Plantun de Prouvènço

Pèr coumpara dos planto d'encò nostre

Prenanthes purpurea & Picea abies

Prenanthes purpurea

Asteraceae Compositae

Noms en français : Prénanthe pourpre, Prénanthès.

Descripcioun :
Proun grando planto (>1m), que fai de flour pourpalo (3 à 5 flour ligulado pèr capitule) e clinado sus de ramo menudo. Li fueio, sènso péu, embrasson la cambo. Vèn bèn à l'oumbro di fau e di mele dins li relarg un pau umide.

Usanço :
Proche dóu gènre Lactuca, li jouìni fuio se manjon en ensalado e peréu cuecho. Lou goust es agradiéu.

Port : Grando erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Prenanthes
Famiho : Asteraceae
Famiho classico : Compositae

Coulour de la flour : Roujo
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Basso mountagno
Estànci : Pancaro entresigna
Couroulougi : Pancaro entresigna
Ref. sc. : Prenanthes purpurea L., 1753

Serento

Picea abies

Pinaceae

Àutri noum : Serénta, Sarento, Sourento, Serinte, Sùfi.

Noms en français : Epicéa, Épicéa commun.

Descripcioun :
Pèr pas s'engana emé lou sapin fau regarda coume soun lis aguio o peréu li pigno (o vacheto). Li fueio de la serento soun estacado tout à l'entour de la ramo coume uno brosso, au contro de li dóu sap que soun tóuti dins lou meme plan coume un penche. De nouta pamens qu'acò marcho pas pèr d'ùni sap fourestié (coume Abies pinsapo). Li pigno pendoulon, alor qu'encò dóu sap, quouro li poudès vèire, se tènon bèn drecho.

Usanço :
I'a touto meno d'utilisacioun dóu bos segound sa qualita. La pegoulo (resino) èi di proun vulneràri. Foundudo, servié, à passa tèms, pèr sougna li tigno (J.-R. Fortoul). Li jóuini fueio soun manjadisso (ensalado, pèis), an lou goust de citroun.